www.nice.az > Çap versiyası > Niyə bu sevgiyə dəyər vermədin

Damarımda axan qan etdim səni...
Buz tutmuş qəlbimə can etdim səni
Könlümə bir sultan,xan etdim səni,
Niyə bu sevgiy dəyər vermədin?!

Gündüz günəş oldum,gecə ay oldum
Qış olmadım hər fəsildə yay oldum
Külüng vuran o,Fərhada tay oldum
Niyə bu sevgiyə dəyər vermədin?!

Səni düşünürəm hər gün,hər səhər
Mən sənə bal oldum sən mənə zəhər
Həsrətdən ürəyim oldu bir təhər
Niyə bu sevgiyə dəyər vermədin?!

Sən idim düşüncəm,xəyalım dərdim...
Tikanlı yoluna güllər düzərdim
Ölüm nədir!ölmədən gedərdim!
Niyə bu sevgiyə dəyər vermədin?!