www.nice.az > Sevgi Aləmi > Yoxdursa... [ŞEİR]

Yoxdursa... [ŞEİR]


20 avqust 2011. Müəllif: _ROCK_STAR_
Yoxdursa... [ŞEİR]


Göz yaşını axıtmağa dəyərmi,
Sonunda bir güləcəyi yoxdursa...
Hər görüşə sevgi demə əzizim,
Əgər onun gələcəyi yoxdursa...!

Sevgi yoxsa,ürək quru qəfəsdir
Kor ümidə nə qərəzi,nə qəsdi.
Min yol geri çağırmağın ədəsdir,
Əgər geri dönəcəyi yoxdursa...!

Hər kül alta gizlənənə,kol demə
Hər xatirə qırığına iz demə.
Hər ürəkdən kövrək nəğmə gözləmə
Sarı simdə dinəcəyi yoxdursa...!

Oda salsan buz bağlayıb,donacaq
Əldən uçdu yad budağa qonacaq
Könül versən,nə qiymətə alacaq
Könül qədri biləcəyi yoxdursa...

Ucaltdığın kiçiləndə görərsən,
Əriyirsən gözün görə-görə sən,
Süfrəsinə nə qoyacaq görəsən,
Səndən tikə böləcəyi yoxdursa...

Demə mənə nələr gəlir ağlıma,
Vay ondaki qara səndən ağ uma...
Ürəksizə ürək verib ağlama,
Bir gün sənsiz öləcəyi yoxdursa...!!!