www.nice.az > Çap versiyası > Mən Ölsəm Ağlama

Mən ölsəm ağlama göylər kövrələr
Dözməz göz yaşına şimşəklər çaxar...
Mən ölsəm ağlama ruhumda ölər
Buludlar ağlayar yağışlar yağar...

Mən ölsəm ağlama məni bağışla
Sənin qısmətinə yazılmadım mən...
Xoşbəxt ol əzizim firəvan yaşa
Tək bunu dilədim arzuladım mən

Mən ölsəm ağlama dənizlərdə sən...
Məni dalğalarda görə bilərsən...
Birdə yuxularda görüşərik biz
Bizi qovuşdurar məhəbbətimiz...

Mən ölsəm ağlama payız yağışı
Yağsa saçlarına bilki ağlaram
O,axan damlalar acı göz yaşı
Qopan bir fəryaddır sənsiz çağlaram...

Mən ölsəm ağlama ey qönçə gülüm
Qoymaki qəlbində əbədi ölüm
Yaşat əziz olan xatirələri
Xatırla hər zaman unutma məni!!!