www.nice.az > Çap versiyası > Sevdanın Sonu [şeir]

Sevdimsə, sevildim bir qış axşamı
Bir ürək verdimsə, bir ürək aldım
Xəlvətdə görüşüb, danışdıq hərdən
Nəhayət eşqimi könlümə saldım....

Varlığım sevgimin varlığı oldu,
Onunla bölüşdüm şadlığımı
Onunla bölüşdüm qəm-kədərimi
Sandımki, tapmışam əsil yarımı

Sevilmək dünyada çətin deyilmiş
Sevməkdə dünyada çox asan imiş
Müqəddəs bir eşqin ən nəhayəti
Dünyada ləzzəti bircə an imiş!...

Bir zaman eşqimə can verən gözəl,
Bu zaman gör necə alır canımı....
Ayrılıq sazını səsləndirərək,
Od vurub, odlara salır canımı!....