Sevgidən sonra dostluq mümkündürmü?!
6 sentyabr 2009. Müəllif: BakU_CoAsT
Sevirsən- o, sənin həyatının bir hissəsinə çevrilmiş olur. Hər gün yeni bir həyəcan, hər gün yeni bir istək, hər gün doğmalaşan hisslər...
Günlər keçdikcə bu hisslər səni daha da həyəcanlandırır, yeni bir ümid, yeni bir istək yaratmış olur. Artıq hər bir ümidin, xəyalın, arzun, düşüncən, istəyin onunla bağlı olmuş olur...
Hər keçən gün onsuz darixirsan, daim onu düşünürsən, onun zənginin, smslərini, sənə deyəcəyi xoş, isti sözləri arzulayırsan. Bunlar əksilən zaman daxilində və həyat axınında bir boşluq hiss edirsən.
Bir gün sevgi sən istədiyin nəticəni vermir. Daim xəyalında, yaşatdığın, arzuladığn o günlər, istədiyin diqqət, qayğı, hər şey səndən uzaqlaşır. Bu sevginin yaşada biləcəyinin mümkünsüz olduğunu anlayırsan...
Anlayırsan ki, qarşı tərəfin diqqəti yetərli deyildir.
Anlayirsan ki, qarşı tərəfin qayğısı yetərli deyildir.
Anlayırsan ki, qarşı tərəf zamana çox güvənmiş oldu..
Anlayırsan ki, qarşı tərəf çox tələblər qoydu.
Anlayırsan ki, uzaq məsafə sevgini öldürməkdə əsas vasitəçidir!
Lakin o sənin həyatının bir hissəsidir, ona öyrəşmisən, düşünürsən ki, daim həyatında yer alacaq, sən istəməsən belə o səni buraxmayacaq...
Onun həyatından tamamilə çıxarmaq istəmirsən, bir qorxu, bir təəssüf hissi ilə qarşılaşacağın şübhəsi səni buraxmır.
Həyat axınını əvvəlki kimi davam etdirmək istəyirsən, yalnız bir çıxış yolu vardır: “Dostluqâ€. Bu yolun köməkliyi ilə onu daim saxlayacağını, səni sevəcəyini düşünürsən. Səndən sevginin əskik olmaması üçün hər şey edirsən... Bəlkə də bu bir eqoistlikdir?!- ancaq bu sənin rahatlığın, bu sənin dayağındır deyə düşünürsən...
Sən istəsən belə o bu dostluğu qəbul etmir.. Daim ümid bəslədiyin o işıq sonda sönür. Həyatının, yaşamının yolları artıq qaranlığa qərq olur. Bundan xilas ola bilmirsən!
Nə onu geri qaytarmaq kimi bir şansın, nə də münasibətləri yaşada biləcəyin kimi digər bir imkanın yoxdur!
Sevgidən sonra dostluq mümkündürmü?