www.nice.az > Çap versiyası

Hər gün yanında ola bilməməkdən qorxuram
Səsini duya bilməməkdən
Səni görüncə, sənə alışmaqdan da qorxuram
Nədənsə sənsizlikdən də qorxuram...
Bir gün əlvida deməndən
İstəməsəm də;
Bir gün, bir gül kimi
İçimdə solmandan qorxuram...
Yaddaşımda buraxacağın xatirələrdən
Xatirələrdən qaça bilməməkdən
Adını unuda bilməməkdən qorxuram...
Çox qorxuram..
Mən səni sevməkdən qorxuram.
Mənimki sadəcə bir sevda
Göz yaşlarımla söndürə bilmədiyim
Qorxularımı əzə bilmədiyim
Söyləyə bilmədiyim
Fəqət özümü tükətdiyim
Və məni;
Yeddi qat yerin dibinə soxan
Utandıran, qorxudan
Cəsarətsiz bir sevda
Bu necə bir sevdadir?
Anlamıram...

Mən səni sevməkdən qorxuram.
Bilirsənmi;
Aglımdan heç çıxmırsan.
Sən mənim;
İmkânsızlar baxçasından qopartdığım
Heç bir zaman qoxlaya bilməyəcəyim
Adını söyləyərkən burxulacağım
Sevməkdən həmişə qorxacağım
Fəqət ömrüm boyu unutmayacağımsan

Qorxuram