www.nice.az > Çap versiyası > Az olmayıb sənin üçün darıxdığım

Az olmayıb sənin üçün darıxdığım...
Son təsəllim bu olub ki,sağsan...varsan.
Mənim kimi durmamısan illərin yol ayrıcında
Ayrılığı dadmamısan...
Hicran zülmü qarşısında qəzəbini udmamısan...
Dərd â€“ qəm səndən uzaq olub
Hamısı mənə qonaq olub...
Az olmayıb sənin üçün darıxdıqım...
Mən hər gecə zülmətlərin sükut dolu nəgməsini dinlədikcə
Sənə bir vaxt demədiyim kəlmələri xəyalına söyləmişəm
Cavabını gözləmişəm...
Dilsiz xəyal...cansız xəyal...
Bütün gecə lal olub lal...
Az olmayıb sənin üçün darıxdığım...
Sən mənə bəxş eyləmisən təkliyimi
Bəlkə qanın qaralardı...
Bəlkə bir az xoşbəxtliyin azalardı
Bilsəydin ki, bu aylarda sənsiz nələr çəkdiyimi...
Nə yaxşı ki, bilməmisən
Qismətinə Allah yazan səadəti
Bir miskinin xətri üçün bölməmisən...
Fələk tale bölgüsünü aparmayıb ədalətlə
Ayrı düşüb mizrabından könül simi
10 ay qabaq salamıma cavab olan təbəssümü
Bu günəcən işlədirəm qənaətlə...
Bu şerimi sən oxuma...
Oxuduqca məhəbbətdən dağ-dağ olmuş sevən qəlbi
â€œAhâ€ dumanı zəbt eləyər aram-aram
Mənə vaxt ver...qoy bir az da fikirləşim
Mən səninçün səadətdən,xöşbəxtlikdən yazacağam...