Bu sevginin ömrü bura qədərmiş
7 fevral 2011. Müəllif: SEV_GI
Bu dünyada əbədilik nə var ki,
Ömür kimi hər şey gəldi-gedərmiş
Nə sevginin günahı var nə bizim
Bu sevginin ömrü bura qədərmiş.
Ömür kimi hər şey gəldi-gedərmiş
Nə sevginin günahı var nə bizim
Bu sevginin ömrü bura qədərmiş.
Məcnun ahı, Leylinin göz yaşları
Nə biləydik əfsanəymiş, hədərmiş
Qəm eyləmə, hər yolun bir sonu var
Bu sevginin ömrü bura qədərmiş.
Nə biləydik əfsanəymiş, hədərmiş
Qəm eyləmə, hər yolun bir sonu var
Bu sevginin ömrü bura qədərmiş.
Gülə-gülə başlamışdıq bu eşqi
Axırında göz yaşıymış, kədərmiş
Məhəbbətin payız fəsli var imiş
Bu sevginin ömrü bura qədərmiş.
Axırında göz yaşıymış, kədərmiş
Məhəbbətin payız fəsli var imiş
Bu sevginin ömrü bura qədərmiş.
Ayrılırıq xatirələr içində
Bu ayrılıq ölümdən də betərmiş
Təsəllimiz bu olacaq, sevgilim
Bu sevginin ömrü bura qədərmiş...
Bu ayrılıq ölümdən də betərmiş
Təsəllimiz bu olacaq, sevgilim
Bu sevginin ömrü bura qədərmiş...