Yeni ilə ilk addımlar
29 dekabr 2010. Müəllif: Sparrow
Yeni ilə ilk addımlar Yeni il yeni nəfəs deməkdir...
Yeni düşüncə ,yeni məqsəd deməkdir...
Bir sevinc dolar gözlərə, bir ümid doğar qəlblərə.
Hər başlanğıc təkan verər yeni-yeni gözəlliklərə...
Qar altından cücərər min arzu, min dilək bəzən uşaqlığı xatirladar, bəzən qəlbimizdə qalmış bir çox istəkləri.
Alarıq əlimizə kağız-qələm, yazarıq könlümüzdən
keçənləri məchul bir nağıllar aləminə,
bu bayramın tək əfsanəvi qəhrəmanına.
Diləyərik könlümüzdən keçənləri, hər zaman qəlbimizdə yer alan, xəyallarını qurduğumuz hədiyyələri istəyərik. Artıq hazırıq yeni ili qarşılamağa. Uğurlu addımı, zəfərləri ilə daima sevilən
NiCe.aZ ailəsi bir ili geridə qoydu.
Maraqlı ilimiz, aylarımıiz, günlərimiz, saatlarımız keçdi .
Hərzaman mehriban olduq, dedik-güldük, şənləndik.
NiCe.aZ ailəmizdə...
Hər açılan səhər əslində yeni bir günlə bərabər yeni dünyanın başlanğıcı deməkdir... Hər bir NiCe.aZlıya hər açılan səhəriniz xeyirli, uğurlu, Xəyalınızda tutduğunuz. Xoşbəxtliyi nəsib etməsi diləyi ilə...