www.nice.az > Çap versiyası > NiCe.aZ (bayatılar)

fidaska
Əzizim, sərin ayaz,
Göy bulud, sərin ayaz.
Dosta gələn qadanı
Düşmənin sərinə yaz

GHoSTMaN
Əzizim, kasad olmaz
Mərd əli kasad olmaz
Yüz namərdin çörəyin,
Doğrasan, kasa dolmaz

_ROCK_STAR_
Eləmi, yara dəydi,
Dəymədim,yara dəydi
Dilim-ağzım qurusun,
Nə dedim,yara dəydi?

HiTMaN
Əzizinəm, yad əli,
Ya divanə, ya dəli.
Məşhərim o gün qopar,
Yara dəysə yad əli.

Mery
Eləmi, üzəsən can,
Zülfünü üzə sancan.
Biləsən dost vəfasın,
Yolunda üzəsən can.

punesher
Əziziyəm, yasa bax
Qara geymiş yasa bax.
Əzrayıla borclu can,
Ya bu gündü, ya sabah.

Delphi7
Əzizim, qız adamı,
Od yana qıza damı
Hər dərddən çox saraldar,
Bivəfa qız adamı.

NiXaTo
Eləmi, yaxşı ata,
Pulun ver yaxşı ata.
Oğul bədəsil olsa,
Dərd çəkər yaxşı ata.

Honey
Əzizim, oda damı,
O bağı, o da damı.
Elə ki sən yandırdın,
Yandırmaz od adamı

Sweet_LoVe
Əzizim gələr keçər,
Ahular mələr keçər.
Oğulsuz anaların,
Qəlbindən nələr keçər?!

LeGaCy
Əzizim, ayaq sudan,
Üzər hey, ayaq sudan
Yarımı suda gördüm,
Kəsmərəm ayaq sudan.

Birtanem
Su gəlsə sel bilərdim,
Meh, əssə, yel bilərdim,
Dağda bir oba salsan,
Mən səni el bilərdim.

M1rZ3
Çən, duman düzə neylər?
Zülfün tök üzə neylər?
Ov bizim, ovlaq bizim,
Yad ovçu bizə neylər?