Quranın əvvəlki yazılışı
5 mart 2011. Müəllif: Ayla_girl
Quranın əvvəlki yazılışı
Peyğəmbər əleyhissəlama bu və ya digər vəhy ayələr şəklində nazil olan kimi o, həmin vəhyi ətrafındakı əshabələrinə oxuyar, onları vəhy katiblərinə dəri, sümük, daş və ya xurma qabıqları üzərində olduğu kimi yazdırardı. Peyğəmbər həmin ayənin hansı surədə və hansı ayədən sonra yazılması olduğu yeri göstərər, bu işə ciddi nəzarət edərdi. Quranın özündə (Ət-tur 3) hələ Peyğəmbər əleyhissəlam dövründə onun dəri üzərində yazılmasına işarə vardır. Lakin Məhəmməd əleyhissəlamın vəfatına qədər vəhy hələ davam etdiyi üçün ayrı-ayrı parçlar üzərində yazılmış bu surələr Peyğəmbər dövründə ardıcıllıqla düzülməmiş, vahid bir cild, kitab halına salınmamışdı.
Əshabələrin dediklərinə görə, hər ramazan ayında Cəbrail əleyhissəlam Qurani-kərimi Məhəmməd peyğəmbərlə birlikdə oxuyur, onun mətni başdan-ayağa yenidən təkrar edilərdi. Peyğəmbərimizin vəfat etdiyi il Cəbrail nazil olub Quranı onunla birlikdə iki dəfə oxumuşdu. Qurani-kərimin özündə dəfələrlə onun Allahdan nazil olduğu və Allah tərəfindən də qorunub saxlanılacağı zikr olunmuşdur (Əl-hicr 9).
V.M.Məmmədəliyev
Əshabələrin dediklərinə görə, hər ramazan ayında Cəbrail əleyhissəlam Qurani-kərimi Məhəmməd peyğəmbərlə birlikdə oxuyur, onun mətni başdan-ayağa yenidən təkrar edilərdi. Peyğəmbərimizin vəfat etdiyi il Cəbrail nazil olub Quranı onunla birlikdə iki dəfə oxumuşdu. Qurani-kərimin özündə dəfələrlə onun Allahdan nazil olduğu və Allah tərəfindən də qorunub saxlanılacağı zikr olunmuşdur (Əl-hicr 9).
V.M.Məmmədəliyev